|
Ua Vajtswv tsaug
Thov xa lo lus koob hmoov tuaj mus rau ib tsoom
Xibfwb, txwjlaug thiab ib tsoom kwv tij nkauj muag,
cov uas Tswv Yexus hlub thiab tsomkwm txhua leej.
Peb ua lub neej nyob rau ntiaj teb no ib hnub dhau
ib hnub, peb txav mus ze zuj zus rau ntawm Vajtswv
lub ntuj Ceeb Tsheej lawm, tsis ntev peb yuav mus
txog chaw so thiab mus nrog Tswv Yexus nyob. Thaum
mus txog chaw so ua cas ib tug muaj txhij muaj txhua,
ib tug tsis muaj ib yam li, vim thaum nws nyob rau
ntiaj teb no nws tsis nco khaws nws tej nyiaj txiag
cia rau saum Ceeb Tsheej. Tej nyiaj txiag uas khaws
rau ntiaj teb no tsis muaj neeg nqa tau ib npib los
ib xus mus li. Rau qhov Vajtswv txoj lus yeej hais
tias thaum peb los, peb los liab qab, thaum peb mus
peb yuav mus liab qab.
Kuv ua Vajtswv tsaug thiab thov xa lo lus koob mhoov
no tuaj rau kuv ib tsoom kwv tij thiab nkauj muam
hais tias, sij hawm tseem muaj rau txhua tus uas
hlub Vajtswv thiab xav khaws nyiaj txiag cia rau
saum Ceeb Tsheej, yog leej twg tsis tau pab, thov
nej kav tsij pab hnub no tsis tos tagkis. Thov qhia
rau nej paub hais tias October 29, 2004 no cov
tsavxwm saib xyuas lub building twb mus kaw (closed)
tau lub tsev lawm, peb nyiaj txiag tseem tsis tau
puv raws li tau teev tseg. Kuv thov ua nej cov uas
twb siv siv zog pab lawd tsaug thiab thov qhia rau
nej hais tias hauv paus koom haum yuav siv nej cov
nyiaj ua kom Vajtswv muaj koom meej thiab cia
Vajtswv tau ntsej muag. Tiamsis kuv thov Vajtswv ua
tus qhib rooj ntug nchuav koob hmoov los rau nej tej
liaj tej teb kom nej sau tau qoob loo puv phawv puv
txhab tsis muaj chaw ntim. Thov Vajtswv qhia kom nej
tej tub tej ki yuav muaj tswvyim ua rau nej tau
ntsej tau muag ib yam li nej twb ua rau Vajtswv tau
ntsej tau muag lawm thiab. Thov qhuas nej thiab zoo
siab uas nej txhua tus sib pab thiab koom tes. koom
siav thiab koom peev zaum no. Peb yog ib tsev neeg
thiab peb yog Vajtswv haiv neeg, txawm lub nra nyhav
los peb sawv daws sib pab ris.
Qhuas Vajtswv lub npe,
Xf. Neejmais S. Vaj, Thawj tsavxwm
HBNA
Yog nej leejtwg
muaj lus nug li cas nco ntsoov sau ntawv los yog xa
E-mail rau kuv "nengmay1@hmongamer.org"
|
