Ntawm no kuv yog kws xibhwb                    uas kuv twb saib pawgntseeg ntev.

Ua txivtsev los kuv ua lawm                          kuv thiaj kawm mus ua xibhwb

Vajtswv twb coj kuv lub neej                        ua Cawmseej rau peb tibneeg

Npaj pawgntseeg los nrog kuv nyob              npaj tus hlob thiab npaj tus me

Npaj tus ntse thiab npaj tus txawj                  npaj tus thawj thiab npaj tus lwm

Npaj tus zwm npe ua tswvcuab                     npaj tus muab lubnpe lawbdab

Npaj tusnyab uas tsis yuav hais                     tej niamtais uas coj tsis yog

Tej niampog uas kuskus kes                         npaj tus uas nyiam nyiam nuvntses

Npaj tus es hais lus mob mob                       npaj tus nyob es xawb npasham

Npaj tus pab ibpuas tsavyam                        npaj tus kam mus ua thawjcoj

Npaj tus tos pawgntseeg pubnoj                    npaj tus soj pawgntseeg tejcai

Npaj tus uas ho nyiam ua nai                         thaum twg txib no ces ho ntshai

Yog tsis txib no ho xawb cai                        nws nyiam hai kom pawgntseeg ntxhov

Npaj tus uas nyiam nyiam noj mov                txhua asthiv mas tsuas yog phov

Tsuas yog hnov tias noj party                       yog tsis pab ces nws yuav chim

Taszog nkim sijhawm uasi                            pheej ua li no mus ibsim

Muaj qee yim ho nyiam twvtxiaj                    txawm muaj nyiaj los yeej tsis pab

Church khaubhlab los yeej tsis pom              hloov thawj coj lawm 4 –5 tom

Twb tsis pom thiab twb tsis paub                 tseem hu tus xyoo 94

Thaum nws paub tias yog txwjlaug                yeej tsis taug pawgntseeg kev txhawj

Tsis paub Church kevnyob kevnoj                Vaajtswv coj Moobleeg Moobdlawb

Lus sib txhawb Vaajtswv dlejnum                 peb yuav tsum sibhlub nawb mog

Vim kuv yog nej tus xibhwb                         kuv no twb hlub nej tshaj plaws

Peb sawvdaws txawm phem thiab zoo          tsuas yog xyoo xajmaim thaum ub

Dab tsis pub peb ntseeg Yesxus                   peb txhua tus tseem nyob Loojceeb

Ruam thiab ntse tseem xyaum khavtheeb       zaum no ntseeg Vajtswv tus tseeb

Kev khavtheeb peb tsotseg lawm                  peb sibqawm sibpuag xubpwg

Ua phoojywg sibhlub tshaj plaws                  nej sawvdaws yog tus pab kuv

Tswv Yesxus dejnum thiaj zoo                     thiaj nto moo mus rau qhov yog

Vim pawgntseeg yog kuv lubzog                   txawm tias yog kuv no hais tau

Hais tau dhau siab nej lawm los                     txhob muab nthos los ua kev chim

Thov zamtxim rau kuv os mog                      vim kuv yog nej tus xibhwb

Vim kuv twb hlub nej tshajplaws                   txhos caug thov Vajtswv quajqaws

Pab tus hlob tus yau sawvdaws                    thiaj hais ntxaws mentswb mentsis

Los yeej tsis tau ntxub leejtwg                       hlub rujrwg tus ruam tus ntse

Hlub tus me tus hlob tus yau                         hlub tus tau ua kev txhaum loj

Hlub tus coj pawgntseeg loj hlob                  hlub tus mob tus zoo tus phem

Hlub tus cem kuv quaj zaum puav                 tus nyuamqhuav los ntseeg tshiab tshiab

Tus tu siab es qhaj Church ntev                    tus uas cevtes pab xibhwb

Tus uas twb so kuv kua muag                       tus uas luag tej uas kuv ua

Kuv hlub tshua nej txhua txhia tus                 li Yesxus hlub cov thwjtim

Yuav zamtxim rau tus khibdwb                     ua xibhwb kom zoo rau nej

Yuav nqa dej ntxuav nej ko taw                     ua kom haum Vajtswv siab ntshaw

Yuav xyaum taug Yesxus neev taw               yuav tsis ntshaw tej khoom siab phem

Yuav hlub tshua pawgntseeg txomnyem        Vajtswv tshem so peb kua muag

Yuav hlub cuag li Vajtswv hlub                     kom lwm hnub peb mus uake

Nyob ibtse Vajtswv tebchaws                       es sawvdaws yuav zoosiab heev

Peb cov ntseeg, kuv yeej hlub nej, sawvdaws, txhua txhia tus, os mog………………