Thov Sib Hlub Mog

                      By:  Pov Xyooj

Ua neej nyob      tsis paub hnub tuag
lub suab luag     tsim nyog peb muaj
lus  zoo tshuaj   yog lus muaj kuab
yog lus qhuab     los ntawm Yexus
peb txhua tus     thov peb sib hlub
ib tsoom tub      thiab tsoom txiv neej
sawv daws yeej    tsim nyog saib taus
tus uas sau       siab loo los nrog
yus tam yog       li yus lub cev
ua siab ntev      hlub nws tus kheej
nej txhua leej    me ntxhais poj niam
txhob lim hiam    txhob ua siab dub
tsim nyog hlub    tus txiv yus tau
li tob hau        uas yog nej hlub
txhob siab dub    es muab tsuj ntiag
muab tsuj kiag    rau hauv av mog
nco ntsoov txog   VajTswv tej lus
saib taus tus     uas yog tus txiv
tej police        thov nej cov niam
txhob lim hiam    mus zeem ua nus
tsis txhob mus    nias  9  1  1
neej sib ntsib    sib tau sib ntxub
tsis sib hlub     mas laj cob  cuab
yeej nyob nyuab   yog pheej sib ntxub
neej ib hnub      ntev npaum ib xyoo
ua neej zoo       ces 10 tawm xyoo
nyuam qhuav zoo   li ib pliag xwb
sij hawm twb      yaj lawm tshuj tshaws
neeg sawv daws    yog tsis sib hwm
yog nyuj twm      es muab muag tauj
yog hluas nkauj   es muag qub nqi
twb zoo li        nrhab siab lo lawm
daws tau tawm     los yeej nto koob
muab poj hmoob    hu ua poj nrauj
npe hluas nkauj   ces tag lawm mog
tab txawm yog     tus txiv tib yam
tsuav yog plam    tauv nrhab tag nrho
yawg nrauj nto    plaws li lawm thiab nawb mog lawv e...