By:  Pov Xyooj

Tsis Yog Nkauj Txha Qaib Nraug Txha Noog

*** Niam txais tog    txiv txais ib nta
nram qab ha           twb tsis tshav mog
yus tsis yog          luag tus txhav noog
kom luag yoog         los luag tsis khes
ua neeg ces           luag tus txhav qaib
luag thiaj saib       zoo dua no lau
piv tsis tau          luaj txoj plaub hau
yus tsuas tau         luag tej lus mos
thaum hais los        yog hais nrog zog
lus  zoo yog          yam lauj kaub npau
lam txawm tau         zoo li niag puav
es lam yuav           los luag muaj plhus
luag qhuas yus        ya tau li noog
niag kaus noog        puav tsis  muaj hlo
los twb ho            muaj pob tseg nas
tab sis mas           puav tseem khav txhias
khav hais tias        puav txawj ya no
ib chim ho            pw dai ceg ntoo
vim tsis zoo          li nas muaj qhov
thiab txawv cov       noog pw saum ntoo
thiaj dai loo         tej qab ceg xwb
los tseem twb         tsis txawj tu siab
KHAV KAWG THIAB       TIAG COV PUAV NTAWV NA...