Muaj npe raws lis no:

1.Tus tsamxwm.

2.Lwm thawj tasvxwm.

3.Tus teev ntawv.

II.COV COJ.

Tus uas npaj siab yuav los ua tus coj cov neeg kawm TEE.

1. Yuav tsum yog cov twb yeej kawm dhau los lawm.

2. Txawm yog lawv tsis tau kawm TEE dhau los los, lawv yuav tsum mus kawm kev qhia thiab tus cai qhia ua ntej yuav los pib ua tus coj. Cov coj neeg kawm TEE no yuav tsum yog ib co muaj kev ntseeg, paub Vajtswv txojlus zoo, thiab kam ua tus coj.

3. Tus coj no, yog nws coj lawv mus tag 6 phau, nws yuav tau daim ntawv Certificate thiab yog coj mus tag 14 phau nws yuav tau daim Diploma ib yam nkaus li cov kawm thiab.

4. Tus coj, thaum nws coj txog phau twg, nws yeej tau ib phau yog tus kawm phau thiab ib pau yog tus coj phau. Tiamsis nws tsis tau them nqi phau ntawv thiab nqi kawm li.

5. Tus coj no, nws pab dawb dawb xwb tsis muaj nyiaj hnub nyiaj hli dabtsi. Thaum nws coj, nws yuav tau ceev tej ntaub ntawv ntawm cov kawm yuav (Credit) kom zoo thiab txhua zaus uas kawm tiav phautwg nws yuav tau muab xa tej ntaubntawv ntawd mus cia rau hauv Hauvpaus Hmoob Npavtiv.

Cov kawm muaj 2 hom neeg xws li:

1. Cov kawm tsis yuav (Credit). Cov no tsuas them tus nqi phau ntawv xwb, tsis them nqi kawm. Txawm yog lawv yuav kawm tiav pistsawg phau los yuav tsis tau daim ntawv Certificate los yog Diploma.

2. Cov kawm yuav (Credit) txhua tus puavleej them tus nqi phau ntawv thiab nqi kawm huvsi. Nqi kawm ib phau yog $20.00, nqi ntawv ib phau yog $20.00. Tus kawm yuav (credit) yog nws kawm tag 7 phau, nws tau Certificate of Christian Ministry.Yog nws kawm tag 14 phau, nws tau Diploma of Christian Ministry. Tiamsis yog nws ncua sijhawm tsis tuaj nrog lwm tus txoos ua ke nto 3 zaug, nws yuav tsum rov qab pib dua tshiab. Tus uas niaj zaus tuaj txoos ua ke tsis tu ncua, nws yuav tsum xeem tau 70% rov rau saud.

Cov kawm yuav tsum tuaj nrog tus coj txoos ua ke tsis tu ncua. Ib pab neeg kawm twg yam tsawg yuav tsum muaj 6 mus rau 12 leeg. Yog coob dua li 17 leej lawm, yuav tsum muab faib ua 2 pab kawm.Txhua leej neeg kawm (RKT) nyias yuav tsum kawm nyias hauv tsev raws li phau kawm qhia.Tiamsis yam tsawg 7 hnub twg, lawv yuav tsum tuaj txoos ua ke ntsib tus coj1 lossis 2 zaug.

Tus kawm, yuav tsum yog ib tug tuav haujlwm hauv pawg ntseeg. Txawm yog yav dhau los, nws tsis tuav haujlwm los, pawg ntseeg yuav tsum nrhiav haujlwm rau nws tuav thaum nws tseem tabtom kawm Rooj Kev kawm (RKT) no.

Rooj sablaj December 19, 1998 tau pom zoo kho yam puav ntawm tus cai kawm TEE meme ntxiv li nram no:

1. Nimno muaj cov xav kawm heev, tiamsis nws tsis muaj caij tuaj koom nrog cov kawm uas muaj tus coj. Tsis tas li ho muaj ib co nyob deb uas tsis muaj tus kam ua tus coj thiab. Yog li thiaj li tau pom zoo ntxiv tias, tus uas xav kawm nws ib leeg xwb los kawm tau xws li:

a. Tus xav kawm yuav Credit, thaum kawm tiav ib phau twg txog rau qhov yuav TWV, nws yuav tau sau ntawv qhia rau Hauvpaus Hmoob Npavtiv es yuav xa cov ntawv TWV ntawd mus rau ib tub Xibhwb los yog ib tug Kevtxwjlaus uas nyob ze nws ua tus saib nws thaum nws tabtom twv. Thaum twv tiav lawm, yuav tau muab cov ntawv ntawd xa rov mus rau hauv Hauvpaus Hmoob Npavtiv mam li ua cov ntsuam xyuas seb nws twv tau li cas. Tus kawm ib leeg no nws yuav tau them nqi phau ntawv thiab $20.00 nqi yuav Credit ib yam li cov nrog rau tus nqi uas xa ntaub ntawv mus los. Tsis tas li ntawd, nws yuavtsum twv tau 70% rov rau saud thiaj li tau txais daim ntawv qhuas ib yam li cov.

b. Cov uas kawm ib leeg es tsis yuav Credit. Nws tsuas yuav phau ntawv xwb tsis them nyiaj Credit thiab tsis tas yuav TWV los tau.

2. Cov yuav kawm ua lus Amelikas, tamsim no Hauvpaus Hmoob Npavtiv pom zoo cia lawv mam li mus kawm ntawm Amelikas thiab coj raws li luag tus cai yuav zoo dua. Tus cai no tsuas siv rau cov kawm ua ntawv Hmoob thiab siv cov ntawv uas Hauvpaus Hmoob Npavtiv ua cov txhais ua lus Hmoob xwb.