LUB CAIJ THAWJ TSAVXWM HAUV HBNA MUS CIG XYUAS PAWG NTSEEG NYOB ALASKA

Xf. Neej Mais Vam, thawj tsavxwm HBNA hais tias, nyob rau Alaska yog ib lub tebchaws uas muaj toj roob hauvpes zoo nkauj heev. Tsis tag li tseem yog ib lub ntuj uas tsis tau pom dua thiab xav tsis txog. Thaum ub tsuas hnov cov laus hais tias lub tebchaws uas tsis txawj tsaus ntuj thiab tsis txawj kaj ntug mas thiaj li yog hais txog Alaskas.

Thaum kuv mus poob rau Alaskas es Xf. Tswv Pov Lis tuaj tos kuv mus so hauv nws tsev. Thaum ntawd twb yog li 1:00AM teev ib tag hmo lawm. Tiamsis ua cas lub hnub ntseem nyob siab heev. Thaum kuv kuv mus txog niam xibfwb mam li ua hmo rau peb noj. Thaum noj hmo tag twg yog li ntawm 3:00AM lawm los yeej tsis tsaus ntuj li. Tiamsis txog caij nyoog pw lawm ces mam li muab ntaub los thaiv qhov rai kom ib nyuag tsaus ces pw xwb. Nyuam qhuav qi muag tib pliag tsim los nws kaj nws ntug li qub xav hais tias tseem tsis tau tsaus ntuj. Tiamsis lawv hais tias twb yog hnub tshiab lawm. Yog li xav tsis thoob thiab tau mus pom tej yam uas tsis tau pom mas kuj lomzem kawg nkaus li.

Thaum mus poob rau Alaskas, pawg ntseeg kuj coj mus ncig uasi pom tej toj roob hauv pes uas zoo nkauj tas zog li tej duab sawvdaws pom no. Cov uas nyob Alaskas lawv nyob swm lawm mas kuj tsis tshua lim. Tiamsis yog nyuam qhuav mus tshiab mas kuj zoo li npau suav xwb.

Yog muaj caij mas tseem xav rov mus xyuas cov ntseeg thiab mus ncig dua.

Kuv txhawb peb ib tsoom kwvtij ntseeg uas nyob thooj av loj kom mus ncig rau Alaskas thiaj li yuav pom lub ntuj uas xav tsis txog.

Peb ib tsoom ntseeg nyob Alaskas tsis coob. Tiamsis lawv muaj lub siab dav thiab zoo siab txais tos peb sawvdaws.

Ibtsoom xibfwb thiab niam xifwb hauv cov Hmoob Npavtiv tau tham tias, tej zaum xyoo 2006 no ib tsoom xibfwb thiab niam xibfwb lub retreat yuav muab tso rau Alaskas.

Rev. Nengmay S. Vang (left) Rev.Chue Pao Lee (right)

HOME