Paub Vaj tswv Ib qib
hnub tim 3 lub 6 hli ntuj xyoo 2006 no peb pawg ntseeg Appleton hmong Baptist tau mus koom nrog pawg ntseeg hmong Fist Baptist ua koob tsheej muab kev txhawb saib qhuas txog cov tub kawm TEE tiav nyob rau Milwaukee.cov tub kawm tiav zaum no muaj 19 leeg, pawg ntseeg nyob Milwau kee muaj 18 leej, hau pawg ntseeg Appleton muaj 1 leeg.
Tsav Foom Lis,yog tus tub kawm nyob pawg ntseeg Appleton, tau hais tias, kuv yog ib tug ntseeg uas los ntseeg tshiab xwb, kuv yeej tsis tau paub VajTswv zoo,kuv tsuas hnov hluas hais thiab hnov tej xib hwb qhia hau Church me tsis xwb, kuv txoj kev ntseeg ua huab niab plooj pes lias, tsis paub qhov tseeb, kuv los lawb dab zoo li kuv hloov qhov no mus ua qhov tod, ib yam li hloov cev ris tsho qub mus hnav ce ris tsho tshiab xwb.
tos qab kuv kawm TEE tas lawm, kuv paub ntau yam uas ua rau kuv tau ceeb, kuv txoj kev los ntseeg no tsis zoo li kuv txoj kev xav yav nram ntej, qhov kuv tso dab tseg los ntseeg YEXUS, tsis zoo li hloov ris tsho xwb, nws yog ib txoj kev uas yov cawm tau kuv dim ntawm txoj kev txhoj kev txhaum ntawm Dab Ntxwg Nyoog lub teg, rov qab mus cuag tau Vaj Tswv. Paub txog Vaj Tswv txoj kev hlub thiab txhawj txog neeg ntiaj teb, Yexus Txoj kev tuag yog ib qho uas qhia rau neeg paub hais tias, Vaj tswv hlub tib neeg npaum li cas.
Tsav Foom tau hais ntxiv tias, Yav tas los kuv yeej kawm ntawv siab kawg nyob rau kuv ntu neej ntawd thiab tau ntau daim ntawv pov thawj uas ua rau kuv zoo siab kawg li, tab sis tsuas yog tau coj los nrhia noj nrhia haus txhawb kuv lub neej kom muaj meej mom zog tuaj xwb, yog tsis ceev faj tseem yov coj kuv mus ua neeg txhau tau thiab. Kuv kawm TEE tas no nws tsis yog ib qho yov siab siab npau li cas,yog muab piv rau cov kev txawj ntse hauv ntiaj teb no, tab si nws ua rau kuv zoo siab tshaj tej ntawv pov thawj uas kuv kawm tau los, nws muaj qhov ua rau kuv cia siab. yog kuv nyiaj tiag kuv yeej yov tau qhov ntawd. qhov ntawd yog txoj sia uas VAJ TSWV yov muab rau kuv.
Tsav Foom xaus lus hais tias, kuv xav kom nej cov tsis tau kawm TEE ho siv sij hawm los mus kawm TEE, Sawv daws thiaj paub Qhov tseeb, yus thiaj li tsis xav tias yog tej Xib Hwb , Txwj Laug dag yus, txoj kev Cia siab thiaj txhawb tau yus lub zog.