Cov Npavtiv phau ntawv qhia txog TXOJ KEV NTSEEG THIAB
TEJ LUS QHIA no yeej pib tsim muaj thaum xyoo 1925 los lawm thiab pom
zoo luam tawm rau cov ntseeg siv txij thaum xyoo 1963. Los txog rau xyoo
1999 lub rooj sablaj txwm xyoo ntawm cov Npavtiv Qabteb nyob rau
Atlanta, Georgia tau pom zoo kom tsa ib co sawvcev li cov duab nyob rau
ntawm sab laug no rov los kho yam puav ntxiv. Thaum kho tiav lawm, lub
rooj sablaj txwm xyoo thaum June 14th, 2000 nyob rau Orlando, Florida
tau nrog xyuas tej ntsiab lus tshiab thiab pom zoo tso cai rau cov
ntseeg siv.
Hais txog phau ua lus Hmoob, thaum xyoo 1986 Home Mission Board yeej
txhais phau ntawv no ua lus Hmoob lawm. Tsuas yog thaum cov ntsiab lus
kho qho mentsis raws li hais los pem no Hauvpaus Hmoob Npavtiv thiaj li
tau rov kho qho mentsis ntxiv. Lub rooj sablaj txwm xyoo ntawm peb tsoom
Hmoob xyoo 2000 nyob rau Kansas City tau
rov nrog xyuas thiab tso cai luam tau tawm rau sawvdaws siv.