Niam Vammeej Vaj

thawj niamtsev

2008-2009

Tus phooj ywg uas Vajtswv hlub & tshua, zoo siab txais to koj hauv tsab ntawv no!

Peb lub zeem muag ntawm HBNA WMU yog los koomtes nrog Vajtswv ua Nws tes dejnum uas yog xa Vajtswv txoj moo zoo kom mus thooj lub ntiajteb raw li Vajtswv txoj lus qhia nyob hauv Vajtswv phau ntawv Mathais 28:18-20.   

Peb lub homphiaj yog los nrhiav kev cob qhia rau peb ib tsoom niam tsev thiab peb tej menyuam kom peb koom tes nrog Vajtswv ua Vajtswv tes dejnum raw li cov nqe lus nram qab no es Vajtswv txoj lus thiaj li yuav nthuav mus thoob ntiajteb no raw li Vajtswv txoj lus kom peb txhua tus uas yog nws cov thwjtim lawm yuav tsum tau ua:

1. Learn about Missioins.  Nrhiav kev cob qhia & kom muaj kev kawm rau peb ib tsoom niam tsev, cov thawjcoj niam tsev, thiab menyuam kom kev ntseeg loj hlob, muaj kev koom tes nrog Vajtswv txoj Vajtswv tes dejnum, txawj ua ib co thawjcoj zoo, mob siab txog, pom txog, thiab paub txog Vajtswv tes dejnum zoo.

2. Pray for missions. Nrhiav kev cob qhia rau peb ib tsoom niam tsev thiab menyuam kom txawj thov Vajtswv pub rau cov tub txib xa Vajtswv txoj moo zoo (missionaries) kom Vajtswv txoj moo zoo mus thoob ntiajteb.

3. Give to missions.  Nrhiav kev cob qhia peb ib tsoom niam tsev thiab menyuam kom mob siab koom tes nrog Vajtswv los ntawm kev tso nyiaj txiag los pab xa Vajtswv txoj moo zoo mus kom thoob ntiajteb.

4. Involve in missions. Nrhiav kev cob qhia kom peb ib tsoom niam tsev thiab menyuam paub los nqetes thiab raustes ua Vajtswv tes dejnum uake, tsis hais pab cov neeg txom nyem hauv pawg ntseeg, hauv zej zog, lwm lub xeev, los yog mus rau lwm lub tebchaw.

Los ntawm Vajtswv txoj kev hlub, kuv ntseeg hais tias nej yuav muab txoj kev koomtes los pab ua Vajtswv tes dejnum kom mus raw li Vajtswv lub homphiaj thiab raw li Vajtswv lub siab nyiam rau Vajtswv tib leeg tau ntsejmuag.  Thov Vajtswv tus muaj hwjchim foom koob hmoov thiab nrog nraim nej txhua tus!